E Miz Du 2024 'oa deuet er-maez bandenn dreset nevez ar gazetennerez Inès Léraud hag an tresour Pierre Van Hove : Champs de bataille. Sikouret eo bet Inès Léraud gant Léandre Mandard, kuzulier istorel ar vandenn dreset ha doktor war an istor e kreizenn istor Sciences Po Pariz (CHSP). Oc'h ober un dezenn emañ war ar sujed-mañ hag a-benn ur bloaz e vo soutenet. Gantañ e lakomp ar gaoz hiziv war istor sokial an adlodennañ.